Friday, November 6, 2009
నిరీక్షణ
ఇన్ని రోజుల ఎదురు చూపులు ముగిసాయి అన్నట్టు ఒక చిన్న ఆశాకిరణం కంటి ముందు ఉంది అని మనసు చెప్తుంది అంతలో అది నిజమేనా అని మరో ఆలోచన...ఆ కిరణం వినీలాకశంలోని తార లాగ అందనంత దూరంలో నిలిచేనా లేక నా ఆలోచనలకు నా మనసుకు అద్దం పట్టే ప్రతిబింబమై (జీవిత భాగాస్వామియై) నాపక్కన నిలిచేనా? "నా పక్కన నిలేచేనా???" అని అనిపిస్తునప్పటికి,
"నీ తోడుగా నే ఉంటా" అని చెప్పినట్టు మరో ఆలోచన..అలాంటి ఆలోచన రావటమే తడవుగా అందులోని మధురానుభూతిని మనసు ఆస్వాదించటం ప్రారంభించింది ...
ఇలాంటి కొంటె ఉహలతో మనసు ఆనందిస్తుండగా కళ్ళలో చిన్న మెరుపు ,పెదవులపై చిరుమందహాసం విరిసి, మనసులోని భావాలను ఇలా పలికిస్తాయి.."ఊహల పల్లకీలో ఉరేగించనా! ఆశల వెల్లువై రాగం పలికించనా!!!"
ఈ నిరీక్షణ అంతమైన ప్రతి సారి, ఒక కొత్త జంటను అందమైన జీవితానికి ఆహ్వానిస్తూ శ్రీకారం చుడుతుంది ..
Thursday, May 7, 2009
అందామా ..?? ఆలోచన ..???
ప్రకృతి లోని ఏ అందాన్నిచూసినా వాటికి ముగ్ధులై మనసుకు చాల ప్రశాంతత, ఆనందం కలుగుతాయి అని పలువురు అనగా విన్నాను.కొంతమేరకు నా అభిప్రాయం కూడా అదే. అలాంటి ఆనందం కేవలం అందం వలెనే మనసుకు కలుగుతుంది అనే నేటి కుర్రకారి అభిప్రాయాన్ని వింటే చాల ఆశ్చర్యం కలుగుతుంది.
ప్రశాంతమైన జీవితాన్ని కోరుకునే వారు , ఆ ప్రశాంతత కళ్ళు చూసే అందం వల్లా లేక మనసు చేసే అందమైన ఆలోచనల వల్లా అని నిర్ణయించుకోవలసిన బాధ్యత ఉంది???
అందమైన ఆలోచనలు లేనప్పుడు ఆ అందానికి అర్ధమేముంది అన్న ఆత్మా విమర్శకి సమాధానం ఏమిటో???
Thursday, March 26, 2009
అందమైన భావన
ఒక వెన్నెల కురిసే ప్రశాంతమైన సాయం సమయం............సన్నగా వీచే పిల్ల గాలులు, చెక్కిళ్ళను తాకన వద్దా అన్నట్టు మెల్లగా వీస్తున్నాయి...శ్రవనానంద కరంగా కోకిల కిలకిల రావాలు వినిపిస్తున్నాయి.. అల ప్రకృతి తనను తానూ మైమరచి ఆనందిస్తున్న వేళలో...నెలవంక తొంగి చూడటానికి ప్రయత్నిస్తుండగా .....
ఓ అందమైన చిత్రకళా రూపాన్నీ చూసినపుడు కలిగిన స్పందనే ఈ భావన.......
Wednesday, March 25, 2009
ఊహల పల్లకి
కనుపాపలలో నువ్వే
తలపు లో నువ్వే
మనసు తెరల్లో నువ్వే
కంటి లో వెలుగై చిరు మందహాసమై కనిపించేది ఎప్పుడో...!!!
ఇది దూరమైన ప్రియుని తలచుకునే ప్రియురాలు ఆలోచన...